KONGAMANO MAALUM LA VIONGOZI WA CHUO KIKUU HURIA CHA TANZANIA

CHUO KIKUU HURIA CHA TANZANIA

OFISI YA MAKAMU MKUU WA CHUO

KURUGENZI YA MAWASILIANO NA MASOKO

YAH: TAARIFA KWA UMMA KUHUSU KONGAMANO MAALUM LA VIONGOZI WA NGAZI MBALIMBALI WA CHUO KIKUU HURIA CHA TANZANIA

KURUGENZI YA KUDHIBITI NA KUSIMAMIA UBORA (DIRECTORATE OF QUALITY ASSURANCE AND CONTROL) YA CHUO KIKUU HURIA CHA TANZANIA ILIYO CHINI YA OFISI YA MAKAMU MKUU WA CHUO IMEANDAA KONGAMANO LA SIKU MBILI KWA VIONGOZI WA NGAZI MBALIMBALI KWA LENGO LA KUBORESHA UTENDAJI WA KAZI WA KILA SIKU KATIKA MAENEO YAO NA HIVYO KUBORESHA HUDUMA NA TIJA. 

KONGAMANO HILO LITAWASHIRIKISHA VIONGOZI WOTE WA JUU WA CHUO KUANZIA MAKAMU MKUU WA CHUO, MANAIBU  MAKAMU WAKUU WA CHUO ,WAKUU WA VITIVO, WAKURUGENZI, WAKUU WA IDARA  PAMOJA NA WAKURUGENZI WOTE WA VITUO VYA MIKOA VYA CHUO KIKUU HURIA CHA TANZANIA KUTOKA TANZANIA BARA NA VISIWANI. 

KATIKA KONGAMANO HILO MADA MBALIMBALI ZINATARAJIWA KUWASILISHWA NA WATU MBALIMBALI ZIKIWA ZIMELENGA KUIBUA NA KUONGEZA ARI YA UFANYAJI KAZI CHUONI NA HIVYO KUZIDISHA KIWANGO CHA UFANISI WA UTOAJI WA HUDUMA BORA. MADA HIZO NI PAMOJA NA MFUMO WA KI ELEKTONIA WA KUDHIBITI FEDHA, MUUNDO MPYA WA CHUO KIKUU HURIA CHA TANZANIA, SERA NA MWENENDO WA UTENDAJI KAZINI, MASWALA YANAYOHUSU FEDHA KWA VIONGOZI WASIOHUSIKA NA MAMBO YA FEDHA, MAWASILIANO THABITI NA MAHUSIANO BAINA YA WATU, KAZI NA WAJIBU WA VIONGOZI WA CHUO KIKUU HURIA CHA TANZANIA, MAJUKUMU NA WAJIBU WA WAKUU WA VITIVO NA WAKURUGENZI, JINSI YA KUKABILI MABADILIKO KATIKA TAASISI, MASWALA YAHUSUYO MAJALADA YA KIELEKTONIA (ELECTRONIC FILE MOVEMENT) NA MASWALA YANAYOHUSU MANUNUZI YA UMMA. 

MATARAJIO YA KONGAMANO NI KUONGEZA WELEDI WA KIUTENDAJI NA TIJA PAMOJA NA KUBORESHA UTOAJI WA HUDUMA KWA WATENDAJI WA NGAZI ZOTE CHUONI.

KONGAMANO HILO LITAFANYIKA KATIKA HOTELI YA WHITE SANDS JIJINI DAR ES SALAAM SIKU ZA JUMAMOSI TAREHE 09 MACHI, 2013 NA JUMAPILI TAREHE 10 MACHI, 2013 KUANZIA SAA MBILI KAMILI ASUBUHI MPAKA SAA KUMI NA MOJA JIONI. 

KONGAMANO LITAFUNGULIWA RASMI NA MAKAMU MKUU WA CHUO KIKUU HURIA CHA TANZANIA PROF. TOLLY S.A. MBWETTE NA KUFUNGWA NA NAIBU MAKAMU MKUU WA CHUO ANAYESHUGHULIKIA RASILIMALI PROF. MATERN VICTOR.

IMETOLEWA NA:

OFISI YA MAKAMU MKUU WA CHUO

KURUGENZI YA MAWASILIANO NA MASOKO

CHUO KIKUU HURIA CHA TANZANIA- 07/03/2013